كرات الدجاج المقليه

السلام عليكم ورحمة الله وبركاته
اليوم يابنات وشباب الي نادر مايطبخون

جبت لكم أكله حلوووه مررره سويتها اليوم لأخواني وأعجبتهم
سويتها عشان أغير لهم ذبحتهم السندويتشات
فسويت لهم هذي الأكله
هي ماأدري وش أسميها لاكن أقول
كرات الدجاج

المقادير:
صدور دجاج مسلوقه
بصل مقطع قطع صغيره للكشنه
بقدونس مفرومه ناعمه

الباشميل:

4)ملاعق دقيق
4)ملاعق حليب
كاسة مويه
آخر شيء:
بيض.... بقسماط....دقيق

الطريقه:

1)تقطعين صدور الدجاج مربعات صغيره مو تخلينها كبار نص مفصل أصباعك
2)تقلبين البصل في الصينيه لين يذبل مررره وبعدين تحطين عليه قطع الدجاج وبعد كذه تملحينه وتبهرينه بالبهارات الي تحبينها وآخر شيء تحطين البقدونس
تخلينها على جنب
3)تسوين الباشميل
تحطين الحليب على المويه وتحلينها زين وبعدين تحطين عليها الدقيق وبعد كذه تشغلين علها النار لين ماتثقل تسير ثقيله مره

4)وبعد كذه تحطين الباشميل على الدجاج مو كل المقدار حطي لين تحسينها صارت عجينه
5)آخر حاجه تحطينها فالدقيق وبعدين البيض وبعده البقسماط
وتقلينها فزيت غزير وتزينين الصحن بليمون وإذا عندك وقت سوي معاها تبوله وإنشاء الله أكون وصلت لكم الفكره صح

وبالعاااااااااااافيه